piątek, 31 sierpnia 2012 14:47

Kompot z bani

Dodała 
Kompot z bani fot. A. Lerch

Kompot z bani – napój z gotowanych owoców dyni, doprawiony goździkami.


Banie, czyli dynie zbiyromy na jesiyń, aż do piyrszych przimrozków. Coby wiedzieć, że je już dojrzało, klupiymy w nia i jak dowo głuchy łodgłos to mogymy ją rwać.
Bachrato bania trza umyć i przekoć na poł. Miynki środek bani wyciepujymy, pecki zostowiomy, suszymy i idzie je jeść, bo som dobre i zdrowe. Pół bani trza łobrać ze skóry i pokroć w dojś grubo kostka. Potym ta kostka wciepnonć do półtora litra wrzawej pocukrowanej wody z łyżyczkom soli i rzebyczkami (kole piytnoście) i warzić. Pod koniec dolywomy mało szolka łoctu i jeszcze cukru do szmaku. Kompot z bani je nojlepszy do picio, jak je świyżo zrobiony i zimny, ale idzie też go zawarzić do krauzów na zima.

Słowniczek wyrazów gwarowych:
Bachraty - pękaty, wybrzuszony, gruby
Bania - dynia
Klupać - pukać
Krauza – słoik
Pecka – pestka
Rzebyczki – goździki
Warzić – gotować

Czytany 2913 razy
Anna Lerch

Z wykształcenia antropolog kultury, pracownik Galerii Historii Miasta w Jastrzębiu-Zdroju; autorka serii ciekawych artykułów pisanych gwarą śląska „Kuchnia po naszymu, czyli jaka".